साइपालखवर
बझाङ । अनेरास्ववियु जिल्ला कार्यालय सदस्य तथा बुंगल नगरपालिका अनेरास्ववियु इन्चार्ज विरेन्द्र कुवँरले आफ्नो जन्मदिन अनाथ बालगृहका बालबालिकाहरुसगँ खुशी साटेर मनाएका छन । कुवँरले २४ औं जन्मोत्सवको अवसरमा बुंगल नगरपालिका –६ झापा स्थित अनाथ बालगृहमा रहेका बालबालिकालाई झोला तथा खाजा सहयोग गरेका हुन ।
कुवँरले त्यहाँ आश्रित बालबालिकाहरुका लागि प्रति व्यक्ति १ झोला र खाजामा चाउचाउ, चिउरा सहयोग गरेका थिए । सामाजिक सेवामा समर्पित भएर काम गरिरहेको र फरक तरिकाले जन्मदिन मनाउने क्रममा यस पटक झापाका अनाथ बालगृहका बालबालिकाहरुसँग मनाएको कुवँरको भनाई छ । बालगृहमा हाल १३ जना बालबालिका आश्रित छन ।
