बझाङ ।नेकपा एमाले निकट राष्ट्रिय युवा संघ बझाङको नवौँ जिल्ला अधिवेशन भोली चैत्र १० गतेबाट सदरमुकाम चैनपुरमा सुरु हुने भएको छ । युवा संघ नेपाल जिल्ला कमिटी बझाङको अधिवेशनको तयारीका लागि आज बैठक बसेको राष्ट्रिय युवा संघ बझाङका अध्यक्ष संसार खड्काले जानकारी दिए ।
युवा संघले जिल्ला अधिवेशनका लागि फागुन महिनाभित्र पालिका र वडास्तरको अधिवेशन गरिसकेको छ । जिल्ला अधिवेशनका लागि अध्यक्ष खड्काको संयोजकत्वमा अधिवेशन मूल व्यवस्थापन समिति गठन गरिएको छ ।
जिल्ला अधिवेशनबाट युवा संघको नयाँ नेतृत्व समेत चयन गरिने युवासंघ नेपालका केन्द्रिय सदस्य तथा बझाङ जिल्ला इन्चार्ज लोकेश सिंहले बताए । राष्ट्रिय युवासंघ बझाङको अधिवेशन शुक्रबार सदरमुकाम चैनपुर स्थित नेकपा एमालेको पार्टी कार्यालयमा हुने छ । अधिवेशनमा वडाकमिटीका अध्यक्ष, पालिका कमिटीका अध्यक्ष लगाएतको सहभागिता रहने युवा संघ नेपालका पुर्व केन्द्रिय सदस्य उतमजंङ सिंहले बताए ।
