रिदम सिंह, बझाङ । बझाङमा यार्षा संकलनका लागी गएकाहरु हिमपहिरोमा पर्दा एक जनाको मृत्यू भएको छ । हिम त्यसैगरी दुई जना वेपत्ता भएका छन् भने तीन जना घाइते भएका छन् । जिल्लाको सुर्मा गाउँपालिका २ मा पर्ने धानसेरा पाटनमा हिमपहिरो गएको हो ।
पहिरोमा परी सुर्मा गाउँपालिका ३ की ४० वर्षिय रामकोइली बोहराको मृत्यू भएको छ, भने उनका श्रीमान वर्ष ४३ का बाबाजी बोहरा र जयपृथ्वी नगरपालिका ११ का १४ वर्षिय आकास धामी घाइते हुनुभएको छ । त्यसैगरी जयपृथ्वी नगरपालिका ११ का वर्ष १८ की रमिला धामी, सोही ठाउँकी १४ वर्षिय जामती धामी वेपत्ता भएकी छन् । दिउँसो यार्षागुम्वा खोज्ने क्रममा माथीबाट हिमपहिरो आउँदा उनीहरु वेपत्ता भएको अवस्थीले बताउनुभये ।
हिम पहिरोमा परी मृत्यू भएकी रामकोइली बोहराको सवलाई सदरमुकाम ल्याउने काम भइरहेको र अन्य वेपत्ताहरुको खोजी कार्य जारी रहेको छ । हिमपहिरोमा बेपत्ता भएकाहरुको स्थानीयहरु र दौलिचौर प्रहरीले खोजी कार्य गरिरहेको र जिल्ला प्रहरी कार्यालयको टोलीपनि घटनास्थल तर्फ खटिएको सुचना अधिकारी प्रहरी निरीक्षक अवस्थीले जानकारी दिनुभयो ।
