बझाङ : नेपाल विद्यार्थी संघ (नेविसंघ) जयपृथ्वी नगरपालिकाको संयोजकको जिम्मेवारी कुमारजंङ्ग बहादुर सिंहलाई दिएको छ । संघका जिल्ला सभापति उमेश बहादुर जेठाराले सिंहलाई संयोजकको जिम्मेवारी प्रदान गरेका हुन्।
संघको विधान २०२७ को सातौं सशोधन २०७५ धारा २२ मा रहेको प्रावधान अनुसार सिंहलाई संयोजकको जिम्मेवारी दिएको सभापति जेठाराले बताए ।
सिंह जुझारु विधार्थी नेताका रुपमा परिचित छन् । संयोजकको जिम्मेवारी प्राप्त गरेका सिंहले विधार्थीको हकहित र अधिकारको लागी थप शसक्त रुपमा आवाज बुलन्द गर्ने प्रतिवद्धता जनाएका छन् ।
विगतमा पनि विद्यार्थीहरुको साथमा रहेर काम गर्दै आईरहेको बताउँदै उनले भने, ‘विधार्थीहरुको समस्यालाई नजिकबाट बुझेर समाधानका लागी पहल गर्ने छु । शिक्षामा सबैको सहज पुहँच हुन जरुरी छ, त्यसका लागी अहोरात्र खट्ने छु ।’
उनले सबै विद्यार्थीहरुको साझा प्रतिनिधि भएर काम गर्ने समेत दाबी गरेका छन् । नेविसंघलाई सुदृढ र संगठित बनाएर अघि बढ्ने उनको भनाई छ ।
सिंहले नगर संयोजकको जिम्मेवारी दिने सम्पुर्णलाई हार्दिक धन्यवाद तथा आभार व्यक्त गरे । यस्तै नेविसंघ मष्टा गाउँपालिका संयोजकको जिम्मेवारी नरेश दवाललाई दिएको छ ।
