बझाङ: जिल्ला प्रहरी कार्यालय बझाङका डिएसपी भरत बहादुर शाहले बझाङ जिल्लामा भित्रने मदिरालाई नियन्त्रण गर्नु आफ्नो पहिलो उदेश्य रहेको बताए ।
सोमबार पत्रकार संग भेटघाट गर्दै डिएसपी शाहले जिल्लामा भित्रने तथा जिल्लामा उत्पादन हुने अबैध घरेलु मदिरा नियन्त्रण गर्ने आफ्नो पहिलो उदेश्य रहेको बताएका हुन् ।
पत्रकारहरु संग कुरा गर्दै मदिरा नियन्त्रण अभियान सुरु गरेपछि जिल्लाको शान्ति सुरक्षामा सुधार हुने उनले दाबी गरेका छन् ।
मदिरा विक्रिवितरणको समयसिमा नबनाउदा र अबैध रुपमा विक्रि वितरण हुने घरेलु मदिराका कारण झै–झगडा बढ्दै गएको तथा शान्ति सुरक्षा समेत विग्रन लागेको भन्दै डिएसपी शाहले यो अभियानलाई केहि दिनबाट तिव्रता दिने बताए ।
उनले भने,‘मेरो पहिलो उदेश्य भनेको यो जिल्लाको मदिरा नियन्त्रण गर्ने हो । सरोकारवालाहरु संग छलफल गरेर यो कामलाई केहि दिनमा तिव्रता दिन्छु । लाइसेन्स भएका व्यापारिहरुको पनि मदिरा विक्रि वितरण गर्ने समयलाई निधारर्ण गर्नु आवश्यक छ । मदिरा २४ घन्टा विक्रि वितरण गर्ने कार्यलाई रोकेर विक्रिवितरणको समय निश्चित बनाउन पहल गर्छु ।’
विक्रि वितरण हुदै आएका मदिरा नियन्त्रण र अनुमति नलिइकन सञ्चालित पसलहरुलाई मर्यादित बनाउन सुरु गरेसंगै समाजमा शान्ति सुरक्षामा समेत सुधार आउने डिएसपी शाहले बताए ।
मदिरा नियन्त्रण अभियान पछि समाजमा आपराधिक घटनामा समेत कमी आउने विश्वास समेत रहेको उनको भनाई छ ।
