बझाङ : नेकपा एमाले खप्तडछान्ना गाउँपालिका इन्चार्ज तथा जिल्ला कमिटी सचिवालय सदस्य लोकेन्द्र बहादुर सिंह(एलवी) ले जन्मदिनको अवसरमा विरामी र कैदीबन्दीलाई फलफुल वितरण गरेका छन् ।
सिंहले शुक्रबार ३८ औँ जन्मदिनको अवसरमा जिल्ला अस्पताल बझाङमा उपचारका लागि भर्ना भएका विरामी र जिल्ला कारागार बझाङमा रहेका कैदीबन्दीहरुलाई फलफुल वितरण गरेका हुन् ।
नेता सिंहले फलफुल वितरणको क्रममा विरामीको स्वास्थ्य लाभको कामना गरेका छन् भने, जिल्ला कारागारमा रहेका कैदीहरुको अवस्थाको बारेमा समेत जानकारी लिएका छन् ।
सिंहलाई कारागारका जेलर धन बहादुर घर्तीले जन्मदिनको शुभकामना दिदै कारागारका लागि पुस्तकको व्यवस्थापन, सिप विकास तालिम, लगाएतका कार्यहरुमा पहल गरिदिन अनुरोध गरेका छन् ।
सिंहले पनि आफुले भ्याए सम्मका कामहरुमा सहकार्य तथा सहयोग गर्ने प्रतिवदता व्यक्त गरेका छन् ।
